نوستالجيا ITS ALL ABOUT YESTERDAY

كتاب نوستالجيا ITS ALL ABOUT YESTERDAY
المؤلف: حاتم حيدر

وحشتني لمة العيلة في البيت الكبير في الثمانينات وفنجان قهوة جدتي ساعة العصاري وهي بتعمله وهي قاعدة بمزاج على كتبتها وقدامها ترابيزة القهوة فيها الكنكة والسبرتاية النحاس الشيك جدا والبن اللي ريحته تقلب البيت أول ما تفتح علبته.

وحشتني لمة العيلة يوم الجمعة وكل الاناكل والطنطات وأولادهم بيتجمعوا عندنا وكلهم لابسين على سنجة عشرة وبيتكلموا عن أخر أخبارهم. وحشني نم زمان اللي كان مش بيأذي حد

تم خفيف لطيف ... وحشني تحفيل جدتي الأهلاوية على أجعص زملكاوي في العيلة ساعة ماتشات القمة، ولكن تحفيل محترم وبدون تعصب و مايزعلش ورده عليها بمنتهى الاحترام. وحشتني أصوات بياع البطاطا والتين وجروبي والدرة المشوي ساعة العصاري وأنا واقف في البلكونة بتفرج على الصبايا اللي بيتمشوا قدامنا والولاد أصحابي اللي بينادولي علشان نبدأ ماتش الكورة مع جيراننا اللي بيننا وبينهم تار من الأسبوع اللي قبله.وحشني صوت المترو وهو معدي على القضيب الحديد ...