عايزه أخلعه

كتاب عايزه أخلعه
المؤلف: أيه الهوارى

الف الف مبروك يا حبيبتي، وحمدا لله على سلامتك، بنوته زي القمر، خلاص دي بقى عروسة ابني ميدو، أنا حجزتها ليه خلاص). سانة باه او
هي دي بداية المشكلة الحجز حتى الكلمة مش عاطفية، كده كل بنت أول لما بتيجي للدنيا أكيد بتسمع الكلمة دي أنها محجوزة يعني من أول يوم لك في الحياة بتتحجزي يعني بتضيع حريتك
ودي أول عيوب الجواز تقييد الحرية، بلاش تستعجلوا، ده إحنا لسه هنعد مع بعض العيوب اللي بتوصلنا في الآخر أننا نقول: (عايزه أخلعه). وطبعا هتيجي مميزات في النص مش هننكرها برضه علشان الرجالة متقولش علينا زي القطط بناكل وننكر، بس انتوا بس ركزوا معايا كده علشان ما أنساش المميزات وتغطي العيوب على الموضوع وعلى رأي خالتنا أمثال: العدد في الليمون هو مثل ما لهوش دعوه بالموضوع بس مش مشكلة، نرجع لموضوعنا، المهم يا ستات يا حلوين جينا للحياة بنات حلوين قطط مغمضة فينا أحلى الصفات الجمال والهدوء والرقة ونعومة الصوت، ومع الوقت طبعا وخصوصا بعد
الجواز بنتحول لـ (المعلم زينهم)، أكيد كلنا عارفينه.