شيواوا

كتاب شيواوا
المؤلف: إسلام شاهين

الله .. ليلة جميلة وجو أسوان في الوقت ده ما فيش زيه ياااه أكيدها أكون أسعد مولود في العالم، وطبعا عملت زي كل البيبهات وصرخت أول ما خرجت للدنيا، لكن فجأة لقيت حد رفعني من رجلي وضربني على ظهري، يمكن كان عاوزني أرجع الغريبة إني ما سمعتش أي صوت غير صوتي ولا حد زغرط ولا حد قال مبروك وكأن عرسة هي اللي اتولدت، فتحت عينيه عشان أعرف في إيه .... لكنى شوفت خمس ستات كلهم سود بيبحلقوا فيه كأنهم شافوا عفريت أنا خفت وغمضت عيني تاني بسرعة، وفجأة البيت كله أتملى صويت دخل أبويا اللي اكتشف أني أبيض وكأني بقعة بيضاء في جلباب أسمر، لأن عيلتي كلهم ذوات البشرة السمراء، أبي ينظر إلى أمي فى جنون وهو في حيرة من أمره، ومن يوميها وأنا عرفت أبويا بيحبني قد أيه ..!!