حدوتة علي الماشي الجزء الثاني

كتاب حدوتة علي الماشي الجزء الثاني
المؤلف: لميس جابر

میدان الكوربة هو تقريبا مركز مصر الجديدة والمتنفس بتاع المنطقة كلها ملتقى خروجات شباب المنطقة. بس إيه اللى سمى الميدان ده بإسم الكوربة؟ وإيه معناه؟ ميدان الكوربة كان من أوائل الميادين اللي أنشأها البارون البلجيكي «إدوارد امبان» اللى صمم حي مصر الجديدة أو حي هليوبوليس زي ماكان إسمها زمان. وقتها خضعت كل المباني لقواعد صارمة سواء كان من ناحية الإرتفاع أو شكل المباني ونسبة الحدائق للمبان ، وصمم الحي كله على هيئة نجمة قلبها كان كاتدرائية البازيليك لتتلاقى عندها الشوارع الرئيسية. أما سر تسمية ميدان الكوربة بالإسم ده ففيه ربة الحقيقة حدوتين. الأولى إن البارون «إمبان» حرص على تصميم المنطقة بطراز متميز للمباني ولشكل الميادين فكان الميدان ده على هيئة مثلث وكان الوحيد في القاهرة الغلاف: عيد رحيل اللي بهذا الشكل من هنا كان الإسم لإن كلمة «الكوربة» باللغة الإيطالية تعني الإنحناءة أو القوس. الحدوتة التانية بقى كانت برضه ليها علاقة باللغة الإيطالية، فكان وقتها من أشهر معالم حي مصر الجديدة هو خط المترو اللى أنشأه البارون «إمبان» برضه عشان يربط القاهرة بهليوبوليس في ۱۹۱۰ وكان وقتها محصلي التذاكر في المترو من جنسيات أجنبية مختلفة وكان بينادوا «لاكورب»، يعني هنلف، فكانوا المحصلين بينادوا "اللي نازل الكوربة" وهما بيلفوا الميدان، ومن هنا جه اسم ميدان الكوربة