6 شارع جوثام

كتاب 6 شارع جوثام
المؤلف: إسلام عماد
ترجمة:
اقترب مني كبيرهم، ومن فمه انبعثت رائحة كريهة خرجت قبل بدء كلامه:
‎“انتا شكلك ابن ناس... ليك أهل يسألوا عليك أو يدفعوا فيك فدية؟”
‎ابتلعت ريقي بصعوبة، وقبل أن أتفوه بكلمة، صاح صوت غاضب من خلفهم:
‎“أنا اللى هخلص عليكو دلوقتي يا ولاد الـ!@#@%^*&)”
‎التفَّت رؤوسهم لمصدر السبة، ليظهر لنا باتمان أعلى كومة من الصناديق الضخمة..
‎“انتو حثالة المجتمع... زبالة بتسد البلاعة، وأنا السباك اللي هيقضي على خطركم!”
‎ثم قفز من أعلى الكومة، وهبط أمامهم كنسر مجنح يحطّ على فريسته..
‎اقتربوا منه في تربص، ليفاجئهم باتمان قائلًا:
‎“استنوا..استنوا”
‎تردد كبيرهم وظل واقفًا ببلاهة، ليكمل باتمان:
‎“النطة مكانتش مظبوطة.. العباية لازم تتفرد ع الجنبين وأنا نازل، مش على جنب واحد كده.. ثواني هعيد النطة تاني”